တေးရေးဆရာများ၏ အထုပတ္တိ ( ၂ )

တက္ကသိုလ်စိုး

By Aye M. Kyaw in မြန်မာဂန္တ၀င်သီချင်းများ (Files)

တက္ကသိုလ်စိုး

ငယ်မည် ကိုလှစိုး ခေါ် တက္ကသိုလ်စိုးသည် ရန်ကုန်ဇာတိဖြစ်ပြီး စန္ဒရားအတီးကို အလင်္ကာကျော်စွာ ရွှေပြည်အေးထံတွင်လည်းကောင်း၊ တေးရေးပညာကို ဂီတစာဆို ရွှေဂုံမောင်ထံတွင်လည်းကောင်း ဆည်းပူးသင်ကြားခဲ့သည်။

၁၉၃၃ ခုနှစ် မတိုင်မီ ကူရှင် အထက်တန်းကျောင်းသားဘဝ၌ “ကူရှင်စိုး” အမည်နှင့် ကျောင်းကဇာတ်၊ ပြဇာတ်များအတွက် သီချင်းများ ရေးစပ်ပေးခြင်းဖြင့် ဂီတတာဝန်ခံအဖြစ် ဂီတနယ်သို့ ရောက်ရှိလာခဲ့သည်။

ဒုတိယ ကမ္ဘာစစ်မဖြစ်မီက ခွေးတံဆိပ် ဓာတ်ပြားကုမ္ပဏီ တီးဝိုင်းအဖွဲ့နှင့် သီချင်းပုဒ်ရေ ၃၀ခန့်၊ စန္ဒရားအေဝမ်းခင်မောင် ဦးစီးသော အေဝမ်းသံစုံတီးဝိုင်းနှင့် သီချင်း၎ပုဒ်ခန့်ရှိပြီး စစ်ပြီးခေတ်တွင်မူ “တက္ကသိုလ်စိုး”တူရိယာအဖွဲ့ကို တည်ထောင်ခဲ့ပြီး သီချင်းပုဒ်ရေ ၁၀၀ကျော် ရေးသားခဲ့သည်။

တက္ကသိုလ်စိုး တီးဝိုင်းတွင် ကိုမြကြီး၊ ကိုစိုးအောင်၊ ကိုမြင့်စိုး၊ ကိုစိုးသန်း၊ မာမာဝေ၊ ရီရီဝေ၊ ကိုစိုးလွင်၊ လွင်လွင်အေး၊ ကိုစိုးမင်း၊ တက္ကသိုလ်သိန်းလွင်၊ ကိုညွန့်လွင်၊ ကိုစိုးအောင်၊ ခင်ထားမေ၊ မေ စသည့် အဆိုတော်များ ပါဝင်သီဆိုကြပြီး ကျော်ကြားခဲ့သော တေးများမှာ ကိုမြကြီး၏ မေ၊ နွဲ့ဆိုး၊ ညိုပြာညက်ကလေး၊ ငွေနှင်းစိုစို၊ ဧရာဝတီ၊ ရက်ကန်းသံ၊ ပုစွန်ဆိတ်ကလေး၊ သဘာဝခင်ပျို၊ ဂီတဗိမာန်၊ မြိုင်မြိုင်ဆိုင်ဆိုင်လတန်ဆောင်တိုင်၊ ကိုစိုးအောင်၏ ချာတိတ်မလေး၊ စာကလေးတစ်စောင်၊ ပျိုဝိသာခါ၊ ပြန်လာမယ်၊ လေချွန်သံ၊ သူဇာ၊ အောက်မေ့တယ်၊ ကိုမြင့်စိုး၏ ချားမင်းပျိုဖြူ၊ စမတ်ပျိုမေ၊ တစ်ခါလာလည်းဘီအေ၊ အလိမ္မာလေး၊ သူနဲ့ကျွန်တော်၊ စောဖေက နောကြေ၊ ကိုစိုးသန်း၏ လိုက်ခဲ့မယ်၊ ခမောက်နဲ့မေ၊ စိတ်ကောင်းတစ်ခုထားကြပါ၊ ရွှေခြေကျင်းမေ၊ မာမာဝေ၏ ရွှေမိုးလေးက ညိုတယ်၊ ရွှေကျေး၊ ချစ်ဖော်၊ တစ်မိုးအောက်တစ်ယောက်၊ မာလာရုံ၊ သနားမေတ္တာ၊ ပျို့ကျေးရွာ၊ အောင်၊ အပျင်းပြေ၊ အမောက်နဲ့အစ်ကို၊ ရီရီဝေ၏ ကိုကြီးသာရင်၊ ကောက်ရိပ်ချိန်၊ တောကပွဲတော်၊ လယ်တောကကိုကို၊ အေးတင့်ရေ၊ ကိုစိမ်းပင်၊ ဂျိုကာ၊ ပေါ်လာငယ်နိုး၊ ညာတဲ့အကို၊ မြိုင်၊ ကိုစိုးလွင်၏ ရွှေပြောင်ပြောင်၊ ခေါ်သံ၊ လမ်းပေါ်ကလူ၊ လွင်လွင်အေး၏ စက်လည်းမရွှင်၊ လေညှင်းခံ၊ ဓာတ်ပုံထဲကလူ၊ တက္ကသိုလ် သိန်းလွင်၏ အဝေးမြို့သူ၊ ကိုညွန့်လွင်၏ ချစ်ရည်မတူ၊ တောနဲ့တောင်စွယ်၊ ကိုစိုးလင်း၏ မင်္ဂလာ စသည်တို့ဖြစ်သည်။

စစ်ပြီးခေတ်တွင် ဤကျော်ကြားခဲ့သော သီချင်းများရေးစပ်ခဲ့သကဲ့သို့ စစ်ကြိုခေတ်တွင်လည်း မေရှင်၏ ဇွတ်ချစ်မယ်၊ ပြည်လှဖေ၏ ခုံးမျက်စ သီချင်းများမှာ ယနေ့တိုင် လူငယ်ကြိုက်သီချင်းများ ဖြစ်ခဲ့သည်။

တက္ကသိုလ်စိုး( ၂ ) ၂ယောက်မတူပါ

By Aung Ko Ko Min in မြန်မာဂန္တ၀င်သီချင်းများ (Files)

အမည်ရင်းမှာ ဦးလှစိုး ဖြစ်သည်။ ခေတ်ဟောင်း တေးလောကတွင် မေရှင်၏ “မယ်ခုမျှော်” ၊ အေ၀မ်းဦးတင်မောင်၏ “ဇွတ်ချစ်မယ်” ၊ မေနု၏ “အုံးစက်ရာ” ၊ ပြည်လှဖေ၏ “ခုံးမျက်စ” စသည့်တေးများဖြင့် နာမည်ကျော်ကြားလာသော ဂီတစာဆိုရှင် လက်ဟောင်းကြီးတစ်ဦး ဖြစ်သည်။
ရန်ကုန်မြို့ ကြယ်တံဆိပ်ဘိလပ်ရည်ပိုင်ရှင် ဦးညိမ်းမောင်၊ ဒေါ်အုံးသင်တို့၏ တစ်ဦးတည်းသောသားဖြစ်သည်။ ဂီတပညာကို အလင်္ကာကျော်စွာ ဆရာေ၇ွှပြည်အေးထံတွင် သင်ယူခဲ့ပြီး ဆရာကြီးရွှေဂုန်မောင်ထံမှ သီချင်းရေးပညာကို သင်ကြားလာခဲ့သည်။ ကူရှင်ကျောင်း အထက်တန်းကျောင်းသားဘ၀မှာပင် “ကူရှင်စိုး” အမည်ဖြင့် ပြဇာတ်၊ ကဇာတ်များကို ရှေ့ဆောင်ပြီး သီချင်းများ ရေးသားပေးခြင်းဖြင့် လည်းကောင်း၊ ဂီတတာဝန်ခံအဖြစ်လည်းကောင်း ကျော်ကြားလာခဲ့သူ ဖြစ်၏။ ၁၉၃၃ ခုနှစ်တွင် ခွေးတံဆိပ်ဓာတ်ပြားကုမ္ပဏီတွင် တေးအပိုဒ်(၂၀) ကျော်မျှ တာဝန်ယူ၍ ဓာတ်ပြားသွင်း ရေးသားခဲ့သည်။ စစ်ကြိုခေတ်မှအစပြု၍ တက္ကသိုလ်ရောက်ခဲ့၏။ ၁၉၃၉ ခုနှစ်တွင် တက္ကသိုလ်စိုး အမည်ဖြင့် အေ၀မ်းကုမ္ပဏီတွင် ဂီတစာဆိုအဖြစ်နှင့် တာဝန်ထမ်းဆောင်ခဲ့သည်။ စစ်ပြီးချိန်ကာလတွင် စာရင်းစစ်ရုံး (အေ-ဂျီ)တွင် (၁၀)နှစ်ကျော်မျှ အမှုထမ်းခဲ့သေးသည်။ စစ်ကြိုခေတ်ထက် စစ်ပြီးခေတ်တွင် အလွန်ကျော်ကြားခဲ့သော စာဆိုရှင်တစ်ဦး ဖြစ်ခဲ့၏။
ဆရာတက္ကသိုလ်စိုး၏ တေးများကြောင့် ကျော်ကြားလာသူများမှာ ကိုမြကြီး၊ ကိုစိုးအောင်၊ မာမာဝေ၊ ကိုစိုးသန်း၊ ဒဂုန်ခင်နှင့် အခြားအဆိုတော်များ ဖြစ်လေသည်။ ရန်ကုန်တက္ကသိုလ်တွင် ၀ိဇ္ဇာတန်းအထိ ပညာသင်ကြားခဲ့လေသည်။ တစ်ချိန်က အောင်သုခရုပ်ရှင်တွင် ကိုယ်ပိုင်ဂီတမှူး၊ ကိုယ်တိုင်ဒါရိုက်တာ အဖြစ်နှင့် “တူရိယာလုံမေ” တေးဂီတပြဇာတ်ကို ထူးခြားစွာ တင်ဆက်ခဲ့လေသည်။

ရည်ညွှန်းချက်
     အခြေခံဆိုရေးတီးပညာနှင့် ခေတ်သုံးခေတ်တေးဂီတသမိုင်း  -  စန္ဒရားလှမိုး

တက္တသိုလ်ဖေစန်း (စန်းသော်တာ)

By Aung Ko Ko Min in မြန်မာဂန္တ၀င်သီချင်းများ (Files)

တက္ကသိုလ်ဖေစန်း (စန်းသော်တာ)၏ အမည်ရင်းမှာ ဦးဖေစန်းဖြစ်သည်။ ဦးဖေစန်းအား ၁၉၁၄ ခုနှစ်၊ နိုဝင်ဘာလ (၉)ရက်နေ့ ပြည်မြို့တွင် စက်ရှင်တရားသူကြီးဦးဘရင် ဒေါ်ကျော့ရှင်တို့မှ ဖွားမြင်ခဲ့သည်။ တေးရေးအမည်မှာ စန်းသော်တာ ဖြစ်သည်။ မွေးချင်း ရှစ်ယောက်အနက် အကြီးဆုံးသားဖြစ်ပြီး၊ ဥပစာတန်း အောင်မြင်ခဲ့သည်။

အနုပညာနှင့် ပတ်သက်၍ စောင်း၊ မယ်ဒလင်၊ ဘင်ဂျို၊ တယော၊ ဂီတာ၊ စန္ဒရားတို့ကို ကောင်းစွာတီးတတ်ပြီး အသက် (၁၈)နှစ်မှ (၂၇)နှစ်အတွင်း တေးရေး၊ တေးဆို၊ သရုပ်ဆောင် လုပ်ခဲ့သည်။ ပထမဆုံးအေ၀မ်းသံစုံသွင်း ဇာတ်ကားဖြစ်သော “ဖူးစာရှင်” ဇာတ်ကားတွင် “အလောင်းတော်များတောင် ရှောင်နိုင်ခဲတယ်” သီချင်းကို ကိုယ်တိုင် သီဆိုခဲ့သည်။ လပြာသို၊ တစ်လိမ်နှစ်လိမ်၊ ရည်းစားဓားပြ၊ ချစ်စနိုးဇာတ်ကားများအတွက် ဇာတ်ဝင်တေးများကို ရေးသားခဲ့သည်။ သဘင်ဝန် ဓာတ်ပြားထုတ်ချိန်တွင် ရုပ်ရှင်သီချင်းများနှင့် ဓာတ်ပြားသီချင်း အများဆုံးသွင်းခဲ့သည်။

အသက် (၂၇)နှစ်တွင် အိမ်ထောင်ကျပြီးနောက် ၀ါသနာအလျောက် ပြည်မြို့၊ ပေါင်းတည်မြို့ မြတ်စွယ်တော်လှည့်လည်ပူဇော်ပွဲတွင် ယိမ်းများအတွက် နှစ်စဉ်တေးသီချင်းများ ရေးစပ်ပေးခဲ့သည်။

ဦးဖေစန်းရေးသားခဲ့သော တေးသီချင်းများမှာ လွှတ်တော်ရုံးတော်၊ မြတ်ပန်းခွေ၊ ပျို့ကျေးရွာ၊ မယ့်ဒါလီ၊ မယ့်သဉ္ဇာ၊ ရွှေမိုးညို၊ ရွှေတံငါ၊ ရွှေဝါဖူး၊ မယ့်ရင်သွေး၊ ကျောင်းပိတ်ရက်၊ လဲ့လဲ့ဝင်း၊ လေသာဆောင်၊ ဆုထူးရွယ်၊ ချစ်လို့ခေါ်မယ်၊ ချစ်၍ခေါ်ရာ၊ တို့မြေဆီ၊ ချစ်သည်းစွဲ၊ တစ်လိမ်နှစ်လိမ်နှင့် ပါးချိုင့်လေး စသည့် ထင်ရှားကျော်ကြား လူကြိုက်များသည့် သီချင်းများဖြစ်သည်။ ပါးချိုင့်လေးနှင့် တို့မြေဆီသီချင်းကို တက္ကသိုလ်ဖေစန်းအမည်ဖြင့် သီဆိုခဲ့သည်။ နောက်ဆုံး အလုပ်အကိုင်အဖြစ် ဒီအမ်ဒီဇူဇာတွင် ဒါရိုက်တာအဖြစ် လုပ်ကိုင်ခဲ့ပြီး ဇနီးဒေါ်ခင်မြင့်နှင့် သားသမီး (၃)ယောက် ထွန်းကားခဲ့သည်။ အသက် (၈၂) နှစ် အရွယ် ၁၉၉၆ ခုနှစ်တွင် ကွယ်လွန်ခဲ့ပါသည်။


ရည်ညွှန်းချက်
     စန်းသော်တာ၏ တတိယသမီး ဒေါ်ကြည်စန်းက ပေးပို့သည်။

တက္ကသိုလ်လှ(မောင်မောင်လှ)

By Khaing Su Latt and Maung Maung Than in မြန်မာဂန္တ၀င်သီချင်းများ (Files)

တက္ကသိုလ်လှ(မောင်မောင်လှ)

အဘ MR.A.C Bhatacharji- အမိဒေါ်ခင်တို့မှ မွေးဖွားပါသည်။ (၁၉၁၇) ဇူလိုင်လ၊ (၂၉)ရက်နေ့ မွေးဖွားပါသည်။ မောင်နှမ (၈)ယောက်အနက် အငယ်ဆုံးဖြစ်ပါသည်။ B.A (ပါဠိ) Honsနှင့် ဘွဲ့ရပြီး Burrma Railways တွင် C.R.A(Contorller of Railways Accounts)ဖြင့် တာဝန်ထမ်းဆောင်ခဲ့သည်။
အသက်(၂၄)နှစ်အရွယ်တွင် လူပျိုဘဝဖြင့် ကွယ်လွန်ခဲ့ပါသည်။ မြို့မသီးသည် သူ၏တပည့်ရင်းဖြစ်သည့်အတွက် သီချင်း Notes အများစုသည် မြို့မသီးထံ၌သာ ကျန်ရှိခဲ့ပါသည်။
တက္ကသိုလ်လှရေးသားသော သီချင်းများအနက် ချိန်တန်ပြီ၊ ရွှင်ပြုံးသူ၊ စိတ်ကူးနေမယ်၊ ကို့ကို့မျက်နှာ၊ သုံးပန်လှ၊ မမုန်းနိုင်၊ ချစ်အမျှ၊ သူဇာလှ၊ ထူးတဲ့လူ့ရွာ၊ ခြောက်ပြစ်ကင်း၊ ချစ်ဝိဇ္ဇာ၊ ရွှေနွယ်ရိုး၊ မက်မပြယ်၊ ရွှေချိုးကူသံ၊ ချစ်စရာ၊ ရွှေစံပယ်ရုံ၊ ချူမယ့်သူများ မှာ အကျော်ကြားဆုံးသော သီချင်းများဖြစ်ပါသည်။

ရည်ညွှန်းချက်
ဒေါ်သန်းသန်းအောင်(တက္ကသိုလ်လှ၏မြေး)၏ ရေးသားပေးပို့ချက်
တိုက်၂၁၇၊ အခန်း-၂ အရှေ့ရန်ကင်း
Phone - ၇၀၅၁၄၅

ပည်သန်းနွယ်

By Aung Ko Ko Min in မြန်မာဂန္တ၀င်သီချင်းများ (Files)

၁၂၈၁ ခုနှစ် တန်ဆောင်မုန်းလဆန်း (၁၂) ရက်နေ့တွင် ပြည်မြို့ ဦးဘတင်နှင့် ဒေါ်ပုတို့မှ ဖွားမြင်သည်။ သားသမီး (၅)ယောက်အနက် ဒုတိယသား ဖြစ်သည်။ အမည်ရင်းမှာ ဦးသန်းမြင့် ဖြစ်ပါသည်။
အနုပညာကို ငယ်စဉ်ကပင် ၀ါသနာကြီးလှ၍ ၁၉၄၀ ပြည့်နှစ်တွင် ရန်ကုန်သို့ ဆင်းလာပြီး သီချင်းရေးဆရာ ဒဂုန်ဆရာတင်နှင့်အတူ နေထိုင်၍ ပညာများ ဆည်းပူးခဲ့သည်။ ၁၉၄၂ ခုနှစ်ဦးပိုင်းတွင် အေ၀မ်းသဘင်ဝန် ဓာတ်ပြားကုမ္ပဏီထုတ် ချစ်ဒုက္ခအမည်ရှိ တေးထပ်မှာ နာမည်ကျော်ခဲ့၏။ ရာဇ၀င် ပါမောက္ခဖြစ်လာမည့် ဦးဘညွန့်မှာလည်း ချစ်ဒုက္ခဦးဘညွန့်ဟု အမည်တွင်သည်အထိ ကျော်ကြားခဲ့သည်။
ဂျပန်ခေတ်အတွင်း ၀ိဇယပြဇာတ်၊ လူပျိုပါပဲအပျိုပါပဲ၊ အမေ့ချွေးမ စသော ပြဇာတ်၊ ချစ်ဒေါသ၊ မောင့်ရင်သွေး ပြဇာတ်များ၊ မိုးဒေ၀ါပြဇာတ်များတွင် ပြဇာတ်သီချင်းများ ရေးခဲ့ရသည်။
အာရှလူငယ် ရန်ပုံငွေအဖြစ် ကပြသော မျိုးချစ်မျိုးနှစ် ပြဇာတ်တွင် ဒါရိုက်တာ သီချင်းရေးဆရာအဖြစ် ဆောင်ရွက်နိုင်ခြင်းကြောင့် ရွှေတံဆိပ်ဆု ချီးမြှင့်ခဲ့သည်။
စစ်ပြီးခေတ် ချစ်စိတ်မကုန် ပြဇာတ်နှင့် “ချစ်ဋီကာ” ပြဇာတ်များတွင် ဂီတလုလင်မောင်ကိုကို တီးဝိုင်းနှင့်တွဲဖက်၍ သီချင်းများ ရေးသားခဲ့ရသည်။
၁၉၄၉ ခုနှစ် မြို့တော်ခန်းမ၌ ကပြသော ဒါရိုက်တာဆရာသုခ၏ “သာယာရွှေပြည်” ပြဇာတ်မှာ တပ်မတော်သားများ ပါဝင်ကြပြီး ကွယ်လွန်သူ မင်းသားဗိုလ်ဗကိုမှာ သရုပ်ဆောင်အဖြစ် ပါဝင်ခဲ့၍ ဆရာပြည်သန်းနွယ်က သီချင်းများ ရေးသားခဲ့ရသည်။ ၁၉၄၉ ခုနှစ်အတွင်းမှာပင် ကဌေးရုံ၌ ဆရာပြည်သန်းနွယ် ဒါရိုက်တာအဖြစ် ပြသခဲ့သော ချစ်ပန်းသဇင် ပြဇာတ်မှာ တစ်နှစ်အတွင်း အကောင်းဆုံး ငြိမ်းချမ်းရေးငွေဒိုင်းဆု ချီးမြှင့်ခြင်း ခံခဲ့ရသည်။
ယခုအချိန်တွင် ဆရာပြည်သန်းနွယ် (ဦးသန်းမြင့်)မှ အသက်(၈၀) အရွယ်သို့ ရောက်ရှိနေပြီဖြစ်၍ သားနှစ်ယောက်၊ သမီးလေးယောက် ထွန်းကားပြီး၊ ကျောက်မြောင်း ဒဂုန်သီရိလမ်း၊ အမှတ် (၃၄)၊ (၅)လွှာတွင် နေထိုင်လျက်ရှိသည်။

ရည်ညွှန်းချက်
   တေးရေးဆရာကြီး ပြည်သန်းနွယ်နှင့် ကိုယ်တိုင်တွေ့ဆုံ မေးမြန်းချက် ဖြစ်ပါသည်။

ဦးပြုံးချို

By Khaing Su Latt in မြန်မာဂန္တ၀င်သီချင်းများ (Files)

ဦးပြုံးချို

              ဦးပြုံးချိုအား သက္ကရာဇ် ၁၂၄၀ပြည့်နှစ်တွင် အဘဆရာစီ၊ အမိဒေါ်ထွေးတို့မှ ကျိုက်လပ်မြို့တွင် ဖွားမြင်သည်။ ငယ်စဉ်ကပင် ဂီတပါရမီရင့်သန်ခဲ့ရာ အသက် (၁၁)နှစ်အရွယ် သက္ကရာဇ် ၁၂၅၁ မှစ၍ တေးသီချင်းများစရေးခဲ့ပြီးး (၁၆)နှစ်သား အရွယ်တွင် ကောင်းစွာ ပေါက်မြောက်ကျွမ်းကျင်ခဲ့သည်။ ဦးပြုံးချိုသည် ပန်းပညာများကို နှံစပ်သိမြင်ရုံမျှမက သိပ္ပံအတတ်များတွင်လည်း ထူးချွန်သူ တစ်ဦးဖြစ်သည်။ ဦးပြုံးချိုသည် ပညာအလင်းသတင်းစာနှင့် မြန်မာ့အလင်း သတင်းစာ၊ မောရဝတီသတင်းစာ၊ ဝါဏိဇ္စသတင်းစာ၊ သူရိယသတင်းစာနှင့် မြန်မာ့ရီဗျူးဂျာနယ်တို့တွင် အယ်ဒီတာအဖြစ် ဆောင်ရွက်ခဲ့သည်။ မဟာဂီတဦးပြုံးချိုဟု နာမည်ကျော်ကြားသော်လည်း “စိန္တသက္က” ၊ “ဖိုးမင်းကျော်”၊ “အရူးနေဒွန်း” စသောကလောင် အမည်များဖြင့်လည်း စာများရေးသားခဲ့သည်။ ထင်ရှားသော သီချင်းများမှာ “တေဘုမ္မာ”၊ “ဇာတိအာဏာ”၊ “ဇေယျတုသဗ္ဗမင်္ဂလာ” ၊ “ကျိုက်ထီးရိုးနတ်လမ်းညွှန်” စသောသီချင်းများဖြစ်ပြီး မဟာဂီတပေါင်းချုပ် ကိုလည်းပြုစုခဲ့သည်။ ဦးပြုံးချိုသည် မဟာဂီတတ္တ ဒီပနီ အမည်ရှိ မဟာဂီတပေါင်းချုပ်ကို ပြုစုဆဲ၊ အသက်(၅၀)ခန့် အရွယ်တွင် ၁၂၈၉ ခု၊ တပိုတွဲလဆန်း(၄)ရက်တွင် အနိစ္စရောက်ခဲ့သည်။

ရည်ညွှန်းချက်
မဟာဂီတဦးပြုံးချို (စာပေ နှင့် ကဗျာဂီတ) မြန်စာပြန့်၊ နှလုံးလှစာပေ-၁၁/၇၇

ဦးဖူးညို

By Khaing Su Latt in မြန်မာဂန္တ၀င်သီချင်းများ (Files)

ဦးဖူးညို

မြန်မာ့ရုပ်သေးလောကတွင် “အပြောဦးဖူးညို အဆိုဦးပု” ဟုဆိုစမှတ်ပြုရသော ရုပ်သေး အနုပညာရှင်ကြီးနှစ်ဦးသည် တစ်ခေတ်ထဲတွင် စင်ပြိုင်ထင်ရှားကျော်ကြားခဲ့လေသည်။
             မောင်ဖူးညိုသည် စစ်ကိုင်းခရိုင် ငဇွန်မြို့နယ် နတ်ကြီးရွာတွင် ၁၂၃၃ခုနှစ် တပို့တွဲလပြည့်ကျော်(၇)ရက် ကြာသပတေးနေ့တွင် ဖွားမြင်သည်။ မိဘများမှာ ဦးမင်းသားဒေါ်မင်းအံ့ တို့ဖြစ်သည်။
              ကိုဖူးညိုသည် အသက်(၂၄)နှစ်အရွယ်တွင် မိမိ၏ ဇာတိရွာသူ မခို နှင့် ထိမ်းမြားလက်ထပ်ခဲ့သည်။ ကိုဖူးညို၏ ရုပ်သေးအဖွဲ့သည် သီပေါဘုရင်မင်းမြတ်၏ အသုံးတော်ခံ မင်္ဂလာစင်တော် တစ်ခုဖြစ်လာသည်။ သီမောမင်းတရားသည် ကိုဖူးညို အမှုထမ်း အသုံးတော်ခံပုံကို နှစ်သက်အားရတော်မူသဖြင့် မဓုသဒ္ဒရွှေတောင်ကျော်စွာဘွဲ့ဖြင့် ချီးမြှင့်တော်မူသည်။
              ကိုဖူးညိုသည် လင်ကွဲမယားကွဲဇာတ်လမ်းများကို ခင်းကျင်းပြသလေ့ရှိသည်။ စုံနံသာမြိုင် ရှာပုံတော်ကြီးကို နတ်လမ်းညွန်များ နှင့်တကွ ညဉ့်လုံးပေါက် ကပြသည်။ ထိုခေတ်က “လင်ပျောက်ရှာ” “ဟေမဝန်ဗွေ” “ဟေဝန်မြိုင်” စသည်တို့မှာ လူကြိုက်များလှသော ရှာပုံတော်သီချင်းများဖြစ်ကြသည်။
              သီပေါမင်းပါတော်မူပြီးနောက်တွင် ၁၂၄၉ ခုနှစ်၌ ကိုဖူးညိုက“သီဟာပျံနန်းဘုံမြင့်မှာလ၊ ညီလာခံဖျန်း လှုံတင့်စဉ်က၊ ဆန်းစုံဝေဆင့် ပတ္တမြားပလ္လင်မှာနော်ရှင်၊ စန်းယုန်ငွေပွင့် မခြားသွင်းပါ” ဟူ၍ အရှင်သခင် သီပေါမင်းကို တမ်းတလွမ်းလှည့်တေးကို ဖွဲ့ဆိုလိုက်သောအခါ များစွာသော ပရိသတ်တို့မှာ မိမိတို့၏အရှင်သခင် ဘုရင်မင်းးကို များစွာလွမ်းဆွတ် တသကြရသည် နှင့်အမျှ နယ်ချဲ့တို့ကို မကျေမချမ်း စောင်းမြောင်းထားသော အဖွဲ့အစပ်များကို ကြားရသဖြင့်လည်း မျိုးချစ်စိတ်များ တဖွားဖွား ပေါ်ပေါက်လာကြရလေသည်။
              နွားကျောင်းသားဘဝမှ ဘုရင့်အသုံးတော်ခံ ရုပ်သေးမင်းသမီးအဖြစ်အထိ တက်လှမ်းခဲ့ပြီးလျှင် အင်္ဂလိပ်အစိုးရခေတ်တွင်လည်း အင်္ဂလိပ်အစိုးရအရာရှိကြီးများ၏ ရွှေတံဆိပ်များဖြင့် ဆုချီးမြှင့်ခြင်း အဖုံဖုံခံရသော သဘင်အနုပညာရှင်ကြီးတစ်ဦး ဖြစ်သည့် ရုပ်သေးမင်းသမီးဦးဖူးညိုသည် အသက်ဂ(၆၈)နှစ်အရွယ် ၁၂၉၁ခုနှစ်၊ ပထမဝါဆိုလပြည့်ကျော် (၇)ရက်နေ့တွင် ကွယ်လွန်သွားလေသည်။

ရည်ညွှန်းချက်
မြန်မာ့စွယ်စုံကျမ်း
Encyclopedia Myanmar 1998-1999

ဘင်ဂျိုဦးသာဒွန်း

By Yar Ma in မြန်မာဂန္တ၀င်သီချင်းများ (Files)

ဘင်ဂျိုဦးသာဒွန်း

ဘင်ဂျိုကိုသာဒွန်းသည် ဒုတိယ ကမ္ဘာစစ်မဖြစ်မီက ဗြိတိသျှဘားမား ရုပ်ရှင်
ကုမ္ပဏီ ၏ အသံထွက် တီးဝိုင်းတွင် ဂီတာသောင်၊ ဆရာတောက်၊ စန္ဒရား ကိုသာနု၊
တယောကိုချစ်လှ စသည့် တူရိယာ ပညာရှင်များ နှင့် တွဲဖက်၍ ဘင်ဂျိုတီး ခဲ့သည် ၊
(ကျိုက်ထီးရိုး) သီချင်းကို ခင်မောင်ရင်၊ ခင်ခင်ရီတို့ သီဆိုရန်အတွက် ရေးပေးခဲ့ပါသည်။
စစ်ပြီးခေတ်တွင် ဂီတလုလင် မောင်ကိုကိုအဖွဲ့တွင် ဆက်လက်လုပ်ကိုင်ရင်း (၁၉၅၈) ခုနှစ်
အသက် (၄၅) နှစ်အရွယ်တွင် ကွယ်လွန်ခဲ့ပါသည်။ စစ်ကြိုခေတ်အငြိမ့် လူရွှင်တော်ကြီး ဦးဒန်ပေါက်
သည် ဘင်ဂျို ကိုသာဒွန်း၏ ဦးလေးအရင်းဖြစ်သည် ။

ရည်ညွန်းချက်
အကယ်ဒမီဂီတလုလင်ဦးကိုကို၏ ပြောပြချက်။

ကိုမောင်မောင်လတ်

By Aung Ko Ko Min in မြန်မာဂန္တ၀င်သီချင်းများ (Files)

အမည်ရင်း မောင်မောင်လတ်၊ အဘဦးထွန်းစိန်၊ အမိဒေါ်မမလေးတို့မှ ၁၉၃၃ ခုနှစ်၊ မေလ ၅ ရက်နေ့တွင် ဖွားမြင်သည်။ မကွေးတိုင်း၊ စလင်းမြို့ ဇာတိဖြစ်သည်။ ၁၉၅၁ ခုနှစ်မှစတင်၍ ဂီတနယ်ပယ်သို့ တေးရေးတေးဆိုအဖြစ် ၀င်ရောက်သည်။ ၁၉၅၁ ခုနှစ်တွင် တက္ကသိုလ်တေးယဉ်ယဉ် အပျော်တမ်းတူရိယာအဖွဲ့၊ ထိုနောက် ၁၉၅၂ ခုနှစ်တွင် ဂီတဉ္စလီတူရိယာအဖွဲ့ ကို ဦးဆောင်ပြီး မြန်မာ့အသံမှ တေးသီချင်းများ အသံလွှင့် ဖျော်ဖြေခဲ့သည်။
၁၉၅၂ ခုနှစ်မှစ၍ အေ၀မ်း၊ လျှပ်စစ်၊ မောင်တင်ဦး၊ မြဇော် စသည့် ရုပ်ရှင်တို့တွင် ရုပ်ရှင်သီချင်း အများအပြား ရေးသားခဲ့သည်။ ကိုယ်တိုင်သီဆိုသော သီချင်းများအနက် ချိုပြုံး၊ ပန်းကောက်လှည့်ပါ၊ ကိုယ်သာ၊ ချစ်သူတို့နားနေရာ၊ အလွမ်းပြေအမေ့စာ၊ လှိုင်းပုတ်သံကြောင့် ဗျိုင်းလန့်ပျံသည် သီချင်းများ ထင်ရှားသည်။ အခြား အဆိုတော်များ သီဆိုသော သီချင်းများအနက် တင်တင်မြ၏ အချစ်ဆိုသောအရာ၊ မာမာအေး၏ သူနဲ့တွေ့ရင်၊ မဉ္ဇူမြင့်၏ ချစ်ဦးမောင်၊ လွမ်းအောင်သူချွဲ၊ လာမချော့နဲ့မောင်၊ အေ၀မ်းတင်တင်လှ၏ ပြုံးယောင်ပြုံးတုံ့၊ တင်တင်အောင်၏ မေတ္တာရွှေရည်၊ ကြည်ကြည်ဝင်း၏ ချစ်မြားရှင်၊ မြင့်မြင့်စိန်၏ ရွက်ကြမ်းရေချို၊ သောင်းသောင်းနု၏ အညာမိသူလေး၊ ကိုစိန်လင်း၏ လန်းလန်းလှလှ ကြူကြူလွင်လွင်၊ ကိုတင်ထွတ်၏ ပြစ်မျိုးမှဲ့မထင်၊ စန္ဒရားလှထွတ်၏ တိမ်တမန်သီချင်းများ ထင်ရှားသည်။
ထိုပြင် စာပေလောကတွင်လည်း ၁၉၅၀ ခုနှစ်မှစ၍ ယနေ့အထိ ကလောင်အမည် “နောင်” ဖြင့် ကဗျာများ ရေးသားလျက်ရှိသည်။ ၁၉၉၃ ခုနှစ်တွင် မနက်ဖန်အတွက် လှသက်လက်ဆောင် ကဗျာစာအုပ်ဖြင့် အမျိုးသားစာပေဆုရရှိခဲ့သည်။ ၂၀၀၄ ခုနှစ်တွင် လူမှုထူးချွန် (ပထမဆင့်) ချီးမြှင့်ခြင်း ခံရသည်။
ရန်ကုန်တက္ကသိုလ်မှ ဘွဲ့ရပြီး မြန်မာ့ရေနံနှင့် သဘာဝဓာတ်ငွေ့ လုပ်ငန်းတွင် တာဝန်ထမ်းဆောင်ခဲ့၍ ၁၉၉၃ ခုနှစ်တွင် ဒုအထွေထွေမန်နေဂျာ (စီမံခန့်ခွဲရေး)/ညွှန်ကြားရေးမှူး (ပြန်ကြားရေး) ရာထူးများမှ အငြိမ်းစားယူခဲ့သည်။
ဇနီးဖြစ်သူ ဒေါ်သိင်္ဂီအေးသည်လည်း ရေဒီယိုအဆိုတော်တစ်ဦးဖြစ်သည်။ သားသမီး ၄ ယောက် ရှိသည်။
လက်ရှိ မြန်မာ့အသံ ခေတ်ပေါ်တေးဂီတ စိစစ်ရေးအဖွဲ့ဝင်အဖြစ်လည်းကောင်း၊ စာပေဗိမာန် စာပေဆုရွေးချယ်ရေးအဖွဲ့ဝင်အဖြစ်လည်းကောင်း၊ မြန်မာနိုင်ငံဂီတအစည်းအရုံး ဥက္ကဋ္ဌအဖြစ်လည်းကောင်း တာဝန်ထမ်းဆောင်လျက်ရှိပါသည်။

မြကလောင်

By Yar Ma in မြန်မာဂန္တ၀င်သီချင်းများ (Files)

မြကလောင်

ရန်ကုန်မြို့၊ကန်တော်ကလေးဇာတိဖြစ်သည်။ဘင်ဂျို ဆရာဖြစ်ပြီး မင်းသား မောင်မောင်အေး၊
မင်းသမီး ခင်ခင်ကြည်တို့ ပါ ၀င်သော ရွှေဘုန်းတော်ရုပ်ရှင် ဇတ်ကားအတွက် ပဏာမ သီချင်းကို
သီချင်း ရေးဆရာ ၁၂ လမ်း ဆရာဖောင်မအား၍ ၀င်ရေးစပ်ပေးခဲ့ရာ ထိုသီချင်းဖြင့်ပင် သီချင်းရေး
ဆရာအဖြစ် ထင်ရှားသွားခဲ့သည်။ ထိုပဏာမ သီချင်းမှာ အဆိုတော်ကြီး ဥသြဘသောင် သီဆိုသော
ဗုဒ္ဓ သာသနာရောင် သီချင်းဖြစ်သည်။ယင်းသီချင်းကို ကိုလံဘီယာ ကုမ္ပဏီ မှ ဥသြ ဘသောင်ဖြင့်ပင်
ဓတ်ပြားသွင်း ရောင်းချခဲ့ရာ များစွာေ ကျာ်ကြားသွားသည်။ မြကလောင်သည် ခွေးတံဆိပ်ဓတ်ပြား နှင့်
ဗြိတိသျှဘားမား အဆိုတော် များအတွက် သီချင်းများ အများဆုံးရေးပေးခဲ့ရသည်။အေ၀မ်း ဓာတ်ပြား အဖြစ်
ပြည်လှဖေ သီဆိုသော ဇွဲသီချင်းမှာလည်း ကျော်ကြားသော သီချင်းဖြစ်ပြီး ယနေ့ ခေတ်အဆိုတော်များ သီဆိုနေကြ
ဆဲ သီချင်းဖြစ်သည်။ စစ်ပြီးခေတ် အထိ ဇတ်သဘင်နှင့် ဓာတ်ပြားသီချင်းများရေးသားခဲ့ပြီး ၁၉၇၁ ခု၊ဧပြီလ (၄)
ရက် အသက် (၆၆) နှစ် အရွယ်တွင် မြောက်ဥက္ကလာပမြို့ နေအိမ်၌ ကွယ်လွန်သွာခဲ့သည်။

မြန်မာညွန့် ဆရာတင်

By Aye M. Kyaw in မြန်မာဂန္တ၀င်သီချင်းများ (Files)

မြန်မာညွန့် ဆရာတင် (၁၈၉၆-၁၉၇၂)

မြန်မာညွန့်ဆရာတင် အမည်ခံ မောင်တင်ကို အဘဦးမှတ်ကြီး၊ အမိဒေါ်တု တို့မှ မြန်မာသက္ကရာဇ် ၁၂၅၈(၁၈၉၆)တွင် ဖွားမြင်သည်။ မွေးချင်း ၃ယောက်အနက် သားကြီးဖြစ်သည်။ မန္တလေးမြို့ လမ်း ၃ဝ နှင့် ၃၁ လမ်း၊ ၈ဝ နှင့် ၈၁ လမ်း အကြားရှိ အမျိုးသားကျောင်း (ယခင်အခေါ်နေရှင်နယ်ကျောင်း၊ ယခု အမှတ် ၂ အထက)၏ အရှေ့ဘက်ကပ်လျက်ရှိ အထက်ဆင့်ဝင်း (ယခင် နီပါးဝင်း)တွင် ဖွားမြင်သည်။

မိဘတို့မှာ ကျောက်စိမ်းသွေးလုပ်ငန်း၊ ကျောက်စိမ်းအရောင်းအဝယ်လုပ်ငန်း လုပ်ကိုင်ကြသည်။ မြန်မာမင်းလက်ထက်က စစ်မှုထမ်းမျိုးရိုးဖြစ်ကြ၍ မုံရွာခရိုင်၊ ပုလဲမြို့နယ်၊ မင်းတိုင်ပင်ကျေးရွာ တစ်ဝိုက်ရှိ ကင်းဝန်မင်းကြီး၏ အနွယ်အဆက်များ ဖြစ်ကြသည်။

မောင်တင်၏ ပညာရေးမှာ ဘုန်းတော်ကြီးကျောင်း ပညာရေးဖြစ်သည်။ ဂီတပညာတွင်မူ လက်ထပ်သင်ဆရာမရှိဘဲ အမြင်အကြားဖြင့်သာ ဆည်းပူးတတ်ကျွမ်းခဲ့ရသည်။ အထက်ဆင့်ဝင်းအနီးတွင် မြန်မာညွန့်ဦးချစ်မောင်၊ ဦးချစ်ဖွယ်+ဒေါ်စိန်သုံ၊ ဆိုင်း-စိန်ဗေဒါကြီး၊ ဆိုင်းဆရာစိမ့်+ဒေါ်တိုးတို့ နေထိုင်ကြသည်။ ဝက်မစွတ်ဝန်ထောက်မင်းဝင်းတွင် ဝက်မစွတ်ဝန်ထောက်မင်း၏ အိမ်လည်းရှိသည်။ ယင်းအရပ်ဝန်းကျင် တစ်ဝိုက်တွင် အဆို၊ အတီးတတ်သူ၊ ဝါသနာပါသူများ ဝိုင်းဖွဲ့ဆိုတီးလေ့ရှိကြသည်။ ဝက်မစွတ်ဝန်ထောက်မင်း၏ တူဖြစ်သူနှင့်နှမ မသိန်းမေတို့ လက်ဆက်သည်ဖြစ်၍လည်းကောင်း၊ ဝက်မစွတ်ဝန်ထောက် မင်း၏မြေး မောင်မောင် (ဒေါ်ဒဂုန်ခင်ခင်လေး၏မောင်)မှာလည်း အတီးအမှုတ် ဝါသနာပါသူဖြစ်၍လည်းကောင်း ပိုမိုဝိုင်းဖွဲ့ကာဆိုတီးဖြစ်ကြသည်။ ဆရာတင်၏ ညီငယ်ဖြစ်သူ မောင်မောင် (ကိုရွှေမောင် နောင်တွင်လေပါတီမမြရင်၏ “တစ်နာရီထဲချစ်ပါရစေ” သီချင်းရေးသူ)မှာလည်း အကိုနှင့်အလားတူ ဂီတဝါသနာပါသည်။

ငယ်စဉ်ကလေးဘဝကပင် ညီအစ်ကို၂ဦး ဇာတ်ထုပ်ကခြင်း၊ တေးဆိုခြင်းဖြင့် ကစားလေ့ရှိကြသည်ဟုဆိုသည်။ အရွယ်ရောက်လျှင် မငြိမ်း (မန္တလေးခြင်းဦးဘသိန်း၏ ဇနီးဒေါ်သိန်း၏ ညီမ)နှင့် လက်ဆက်သည်။ သားတစ်ဦးသာ ထွန်းကား၍ ငယ်စဉ်ကပင် ကွယ်လွန်သည်။ ဆရာတင်က မူလကအင်္ကျီချုပ်၍ ဇနီးကအိမ်ဆိုင်ဖွင့်သည်။ ဝါသနာအခံကြောင့် အပျော်တမ်းတေးရေးရာမှ နောင်တွင် မြန်မာညွန့်အငြိမ့် မာဃအဖွဲ့ (မြို့မနှင့်အပြိုင်ပေါ်သည်) အခြားအငြိမ့်များတွင် တေးရေးဆရာဖြစ်ပါသည်။ ရွှေမန်းတင်မောင်၊ စိန်အောင်မင်း တို့ဇာတ်များတွင် နှစ်ပါးသွားတေးများ၊ ဇာတ်ထုပ်များကို ရေးပေးခဲ့သည်။ စိန်အောင်မင်းဇာတ်တွင်မူ စိန်အောင်မင်းနှင့် စတွဲချိန်မှစ၍ ဇာတ်နှင့်အတူ လိုက်ပါခဲ့သည်။ ကွယ်လွန်ချိန် မတိုင်မီအထိ ဇာတ်နှင့်အတူ မလိုက်ပါနိုင်တော့လင့်ကစား လိုအပ်သည်များကို လမ်းညွှန်ပေးခဲ့၊ တေးရေးပေးခဲ့သေးကြောင်း သိရသည်။

ရတနာ၃ပါးကို ကိုင်းရှိုင်း၍ ရတနာ၃ပါးနှင့် ပတ်သက်သောတေးများကိုလည်း ရေးခဲ့သည်။ မန္တလေးမြို့တွင် မြန်မာလူမျိုးပိုင် မြန်မာညွန့်ရုပ်ရှင်ရုံ တည်ထောင်သောအခါ တီးဝိုင်းတွင် ဆရာတင်ကိုယ်တိုင် နှစ်အတန်ကြာ တေးဆိုခဲ့သည်။ မြန်မာညွန့်အငြိမ့် ထောင်သည့်အခါ မြန်မာညွန့်အငြိမ့်မှ မင်းသမီးများအတွက် အငြိမ့်တေးများ ရေးပေးခဲ့သည်။ မင်းသမီး ဥက္ကလာအေးကြည်၊ သြဘာသောင်း၊ လေဘာတီမမြရင်၊ မြခြေချင်း မငွေမြိုင်၊ ဘာမေးနီးယားမြသီ၊ နေပြည်တော်မြရီ၊ ဥသြမယ်ရတနာတင်(ဥသြမယ်တင်)တို့နှင့် မင်းသား စံပယ်တင်၊ ဇီးကွက်ဖေသက်၊ ဘာဂျာဘအေးတို့အတွက် တေးများရေးပေးခဲ့သည်။

ဆရာတင်၏ နာမည်ကျော်ကြားသော တေးများမှာ ဥသြမယ်တင်၏ “အာယားမ”သီချင်း (မြန်မာညွန့်အငြိမ့်တွင် သီဆိုရန်ရေးစပ်ပေးခဲ့သည်။) နောင်တွင် မန္တလေး ပန်တျာနီနီဝင်းအား ပြန်လည်သီဆိုစေသည်မှ ယခုတိုင် ခေတ်စားခဲ့သည်။ နန်းတော်ရှေ့ဆရာတင်ဟု အမှတ်မှားကြကြောင်း ဆရာတင် ကိုယ်တိုင်ပြောပြခဲ့သည်) ဘာမေးနီးယားမြသီ၏ “တိန်းချိုချို”သီချင်း၊ မာဃအဖွဲ့မှ ဦးဘဦး(အဆိုတော်ကိုအံ့ကြီး၏အစ်ကို) သီဆိုခဲ့သော “ချစ်သွေးညီ”သီချင်းတို့ဖြစ်သည်။ အခြားတေးများရှိသေးသော်လည်း ၁၉၈၄ခု  မန္တလေးမြို့ မီးကြီးလောင်စဉ်က မှတ်တမ်းများပျောက်ပျက်ခဲ့သည်။

စိန်အောင်မင်း၏ဇာတ်တွင် ၁၉၄၆ ခုမှစ၍ လိုက်ပါကာ အော်ပရာ၊ ဇာတ်ထုပ်များရေးခဲ့သည်။ ကျော်ကြားသည့် နောက်ပိုင်းဇာတ်ထုပ်များမှာ (၁)အောင်သပြေတိုင်းက မောင်ရွှေမှိုင်း၊ (၂)မြန်မာ့ဘုန်းရောင်၊ (၃)နန်းညွန့်ရင်၊ (၄)သာသာနာ့ထိပ်တင်တို့ဖြစ်သည်။ (၃ နှင့် ၄ မှာ ဓာတ်ပြားသွင်းပြီးဖြစ်သည်)။ လွတ်လပ်ရေးကြိုးပမ်းစဉ် ကာလများကလည်း အမျိုးသားရေးလှုံ့ဆော်တေးများ ရေးခဲ့သေးသည်။

မြန်မာညွန့်ဆရာတင်၏ ထူးခြားချက်မှာ တေးသီချင်းများစွာ ရေးခဲ့သော်လည်း မည်သည့်တူရိယာကိုမျှ မတီးတတ်။ စည်းကိုသာသိ၍ လေချွန်၍ အသံရှာခြင်းပင်ဖြစ်သည်။ သို့သော် သူ၏တေးများတွင် ခက်ခက်ခဲခဲဆိုရသော အသံများကိုတွေ့ရသည်။ အငြိမ့်တေးများကို မင်းသမီးများအား ကိုယ်တိုင်သီချင်းချပေးလေ့ရှိသည်။ စိတ်ကြိုက်အသံ မရမချင်း ကိုယ်တိုင်ဆိုပြလေ့ရှိသည်။

ဆရာတင်သည် ၁၉၇၂ခုနှစ် ဖေဖော်ဝါရီလ၊ အသက် ၇၆နှစ် အရွယ်တွင် လူကြီးရောဂါဖြင့် မန္တလေးမြို့၊ ဗောဓိကုန်းရပ်တွင် ကွယ်လွန်သည်။ ကွယ်လွန်ချိန်တွင် ဇနီးဒေါ်ငြိမ်းနှင့် ကိတ္တိမသားဖြစ်သူ မောင်ကိုကိုကြီးတို့ ကျန်ရစ်ခဲ့သည်။


ရည်ညွှန်းချက်

ဒေါ်ခင်ကြွယ်ဦး (ကိုရွှေမောင်၏မြေး)၊ ပါမောက္ခ၊ ဌာနမှူး မြန်မာစာ စာပေဌာန၊ ယဉ်ကျေးမှုတက္ကသိုလ် ရေးသားပေးပို့ချက်။